God etablering gir konkurranse mot ugras
Uansett kva tidspunkt ein etablerer attlegg er det viktig med forhold som gir rask oppspiring. Når grasfrøet får jordkontakt, fuktighet, lys og god temperatur kan grasspirene dekke raskt mot ugras. Grunn såing gir rask oppspiring. Som oftast vil det vera rett å ta omsyn til det frøet som skal såast grunnast. Ei generell tilråding er å så grasfrø på 1 cm djup. Tromling både før og etter såing gir jamn sådjupne og god råmetilgang. Les meir om praktiske og viktige forhold om jordarbeiding, sjå artikkelen Kort forklart: Jordarbeiding.
Etablering av attlegg vår, sommar og haust
Vårsåing vil ofte kunne vera ein sikker metoden for attlegg. Med jordarbeiding til rett tid vil graset ofte spire raskt og konkurrere godt mot ugraset. Bruk av dekkvekst vil gi meir fôr og kan ha effekt mot spirande høymole og andre ugras.
Såing av attlegg på sommaren er aktuelt viss ein vil ta førsteslått eller vårbeite. Om sommaren er temperaturen god. Dersom attlegget også får passeleg med nedbør, blir det gode forhold for spiring.
Såing av attlegg om hausten bør gjerast innan august. Seinare såing kan gå bra, men er meir usikkert. Frøblanding med kløver bør såast innan første veka av august.
Val av såfrø
Les meir om val av såfrø i artikkelen Kva gras skal eg så?
Kalk
Sidan kalken då kan moldast inn, er attleggsåret eit godt tidspunkt for kalking. Ved bruk av store mengder kalk til attlegget kan gjerne halvparten av kalken spreiast før pløying og resten etter pløying. Dette gir rask og god innblanding i heile plogsjiktet. Les meir om kalking i artikkelen om kalking frå NLR Agder.
Val av kjemiske middel til attlegg
Les etiketten
På etiketten til kvart middel står det viktig informasjon om til dømes bruksområde, sprøytetidspunkt, sprøyteknikk, behandlingsfrist, verneutstyr. Det er alltid etiketten som gjeld, så les denne.
Frøbladstadiet, ugrasnøkkel
Sprøytetidspunkt for ugras i attlegg er på frøbladstadiet. Det kan vera vanskeleg å kjenne igjen ugras på frøbladstadiet, som ofte er ulikt den vaksne planten. Her er nokre digitale hjelpemiddel:
- Plantevernleksikonet kjenneteikn, forveksling, biologi, bekjemping.
- Felleskjøpet plantevern 2022 side 107 inngangsnøkkel og bilete.
- Ukrudtsnøgle dansk bilete av frøblad og varige blad.
- App for mobiltelefon: Artsorakel og Plantnett.
Utdrag frå artikkelen Bekjemping av frøugras i attlegg | NLR Vest :
- Normalt går det om lag ein månad frå såing til det stadiet gras og kløver toler sprøytinga. Eventuell kløver skal ha utvikla varige blad ved sprøyting, og grasspirene skal ha utvikla minst 2 varige blad.
- I attlegg med kløver har vi i praksis berre lågdosemiddel. Tribenuron-metyl (handelsnamn Express, Trimmer med fleire) + MCPA er den mest brukte blandinga mot frøugras i attlegg med kløver. Gratil 75 WG + MCPA blir rekna for å ha litt betre verknad mot frøspirt høymole. I følgje etikettane skal lågdosemidla brukast berre i attlegg med raudkløver.
- Ikkje overdoser med Express. Det kan skade gras og kløver.
- Det er lite dokumentasjon når det gjeld verknad av ulike middel på frøspirt høymole. Ariane S er truleg best, men kan brukast berre i attlegg utan kløver.
Etikettar og katalogar
- Etikettar ligg på Godkjente kjemiske og mikrobiologiske preparater (mattilsynet.no)
- Biologi og bekjemping av skadegjerarar hjå Plantevernguiden.no
- Katalog Fiskå Mølle Plantevern Gras Fiskå-Mølle 2022.pdf
- Katalog Felleskjøpet Plantevernkatalogen 2022 Felleskjøpet
Andre lenker og kjelder
- 11 trinn for vellykket fornying | NLR Agder
- Ulike måter å ha dekkvekst i gjenlegg | NLR Rogaland
- Plantevern i økologisk landbruk - Bind 5 - Ugras i eng og beite (plantevernleksikonet.no)
- Gjenlegg og fornying av eng @ Agropub
- Fornying-av-eng NLR Vest Nordvest
- Ugrasbekjempelse i gjenlegg | NLR Nord Norge
- Ugrassprøyting av gjenlegg | NLR Trøndelag Tidspunkt
- Ugras? Tenk konkurranse | Landbruk Nordvest (nlr.no) Maud Grøtta
- Såing av attlegg – sådybden er viktigere enn du tror | NLR Vest
