I juni skreiv eg ein blogg basert på bilde og observasjonar gjennom vinteren, våren og til etter 1. slåtten. Overvintringa gjekk fint, trass i fleire periodar med forholdsvis hard vinter.
Korleis gjekk det vidare utover i sesongen?
Det er teke fôrprøver og vege rundballar, og det er brukt ein del godt kvalifisert skjønn til å rekne ut avlinga på denne raigrasenga. Sjå tabellen!
Dato |
Tørrstoff- % |
Tal ballar pr. dekar |
Råprotein g pr. kg TS |
FEm pr. kg TS |
FEm pr. dekar |
|
1.slått |
01.06 |
40 |
1,8 |
167 |
0,99 |
545 |
2.slått |
30.06 |
35 |
0,8 |
200 |
0,92 |
240 |
3.slått |
30.07 |
- |
0,9 |
- |
240 |
|
4.slått |
31.08 |
33 |
0,9 |
190 |
0,93 |
250 |
Sum |
4,4 ballar |
1275 FEm |
Det er ganske nøyaktig ein månad mellom kvar slått. Det var også betydeleg gjenvekst etter 4. slått. Vi kan sikkert diskutere feilkjelder når det gjeld resultata i denne tabellen, men tala bør vere ei god rettesnor på kor stor avling og kva slags kvalitet vi kan rekne med på ei eldre raigraseng. Energikonsentrasjonen er svært bra. Vi legg og merke til at proteininnhaldet på 2. og 4. slått er i høgste laget. Vi har ikkje opplysningar om gjødselstyrke, men det er nok gjødsla i sterkaste laget med nitrogen.
